Berriak

XVI. Psikomotrizitate Jardunaldiak: Jolasa zaintzearen garrantzia

XVI. Psikomotrizitate Jardunaldiak: Jolasa zaintzearen garrantzia

  • 2023 December 19, Tuesday
  • Posted by: admin
  • Category: Berriak
No Comments

Azaroaren 10, 11 eta 12an XVI. Psikomotrizitate Jardunaldiak antolatu genituen Gasteizko Europa Jauregian. Aurtengo gaia ‘Bazen behin… Zer kontatzen da jolasean?’ izan zen.

Gure praktikaren funtsa erakutsi eta kontatu zuten jardunaldiek: esan, entzun eta hitz egin, gorputza, emozioak, sentimenduak, ideiak eta pentsamendua integratuz.

“Subjektu emailearen” kontzeptua entzuten dugu, eta, jakina, horrek subjektu “hartzaile” bat behar du, honako “oparia” hartzeko: haurrek benetan sentitzen eta bizi dutena adierazi ahal izatea. Haurrak subjektu aktibo gisa ulertu behar ditugu, eta ez “hazteko modu zuzenak” dituzten objektu gisa, egitura arautu, zorrotz eta zurrunekin, non bizitza itotzen den eta desioak desagertzen diren. Hor ez dago zalantzarik, ezta okerrik ere. Bikaintasuna eta zoriontasuna zama jasanezin dira “behar bezain ona” izan behar duen gizakiarentzat.

Jolasteko, jolasaren, ipuinen eta abestien mundu sinbolikoan bizitzeko aukera zaintzeari buruz hitz egiten dugu. Haur kontakizunak entzun eta haiekin hitz egin nahi duten heldu guztien funtzio nagusia da, kontakizun helduak ekarriz, elkarrekiko eraldaketako elkarrizketan, kokontakizunak, bizitza partekatuko istorioak eraikitzeraino, plazerezko funts batetik, PERTSONA IZATEAREN argi-ilun guztiekin.

Eskerrak eman nahi dizkizuegu jardunaldietara bertaratu zineten guztiei, UNED Bergara eta Europa Jauregiko langileei, hizlari eta kontu kontariei, eta kolaboratzaile guztiei. Bereziki eskertu nahi diegu ASEFOPeko lagunei, haien partaidetzagatik: Mary Ángeles Cremades eta Eva Torres (CEFOPP), eta Cira Rodríguez (AEC).

Eskerrik asko jardunaldi hauek posible egiteagatik! Hurrengora arte!