Berriak
Hala izan da ASEFOPen 44. Stage-a Madrilen
Otsailaren 21etik 25era bitartean, ASEFOP osatzen dugun eskoletako hezitzaileok Madrilen bildu ginen. Izan ere, Cefopp Madrilgo Prestakuntza Eskolak bertan antolatu zuen Psikomotrizitate Praktikako Prestakuntza Eskolen Europako Elkartearen (ASEFOP) 44. Stage-a.
Aurten ere, Luzaroko formatzaileok parte hartu dugu topaketa honetan, eta prestakuntza-prozesuei, psikomotrizitate praktikari eta horien oinarri teorikoei buruzko prestakuntza-, gogoeta- eta sakontze-lanak egin ditugu.
Gainera, formazio pertsonalari eta gorputzezkoari buruzko atalean, aurten Luis Sigueroren ekarpen interesgarria jaso dugu. Luis Siguero psikomotrizitatean terapeuta da, eta Cefopp Heziketa Fisikoan maisua eta Gorputz Tekniken Bideratzailea da.
Etengabeko formazioa ASEFOPen eta LUZAROren konpromisoaren ardatzetako bat da. Formatzailearen osotasunari buruzko lanean oinarritzen gara, gorputzaren bizipenetatik kontzeptualizazioraino, eta alderantziz, hausnarketa eta eguneratze prozesu etengabean. Horrek haurren hazkuntzan, osasunean eta zailtasunetan lagun dezake.
Hemendik, gure lankide europarrak agurtu nahi ditugu eta eskerrak eman nahi dizkiegu urtero gozatzen dugun giza eta lanbide-laguntza honengatik, partekatutako eta eraikitako harremanean haziz eta aberastuz.
