Berriak
‘Psikomotrizitate koadernoak’ aldizkariaren 58. alea kaleratu dugu
Hemen da! Argitaratu dugu jada ‘Psikomotrizitate koadernoak’ aldizkariaren 58. alea. Oraingoan, ‘gorputza pandemia garaian’ gaiaren inguruko testuak bildu ditugu.
Praktika psikomotrizitatetik, gure prestakuntza eta praktiketan zorrotzak eta arduratsuak izan daitezkeela uste dugu, neurozientzietatik, burmuinari buruzko azterketetatik eta gorputzari eta haren funtzionamenduari buruzko ikerketa guztietatik egiten diren ekarpen guztiak kontuan hartuta, begirada humanista izateari utzi gabe, eta gizakien arteko to-paketari buruzko subjektibotasunaren garrantziari uko egin gabe.
Ale berri honetan, pandemiak gorputzetan (gu guztion gorputzetan) izan duen eraginaz solasten gara. Ohore handia da guretzat honako profesionalen dossier eta irakurketak edukitzea bertan: Álvaro Beñarán Aranzabal, Mara Lesbegueris, José Angel Rodríguez Ribas, Daniel Calméls, Eva Torres Belinchón eta Mary Ángeles Cremades Carceller.
Aldizkaria etxean jaso nahi baduzu, jar zaitez gurekin harremanetan.
